കേരളത്തിൽ ജോലി നോക്കുന്നവർക്ക് കിടിലൻ അവസരം. ടൂറിസം വകുപ്പിന് കീഴിൽ ജോലി നേടാം. ടൂറിസം വകുപ്പിന് കീഴിലുള്ള തൃശ്ശൂർ, രാമനിലയം ഗസ്റ്റ് ഹൗസിൽ ഒഴിവുള്ള തസ്തികകളിൽ കരാർ നിയമനം നടത്തുന്നു. കരാർ നിയമനമാണ് ആകെ 3 ഒഴിവുകളാണ് വന്നിരിക്കുന്നത്. ഈ പോസ്റ്റുകളിലേക്ക് അപേക്ഷിക്കേണ്ട അവസാന തിയ്യതി സെപ്റ്റംബർ 9 ആണ്.
ഹൗസ്കീപ്പിങ് സ്റ്റാഫ്
ഒഴിവ്: 2.
യോഗ്യത: എസ്.എസ്.എൽ.സി./ തത്തുല്യം, കേരളസർക്കാരിന്റെ ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിൽ നിന്ന് ഹോട്ടൽ അക്കൊമൊഡേഷൻ ഓപ്പറേഷനിൽ ക്രാഫ്റ്റ് സർട്ടിഫിക്കറ്റ്/ കേന്ദ്ര ടൂറിസം മന്ത്രാലയത്തിന് കീഴിലുള്ള ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെന്റ് ആൻഡ് കാറ്ററിങ് ടെക്നോളജിയിൽ നിന്ന് ഹോട്ടൽ അക്കൊമൊഡേഷൻ ഓപ്പറേഷനിൽ ഡിപ്ലോമ/ പി.ജി. ഡിപ്ലോമ, രണ്ട് സ്റ്റാർ ക്ലാസിഫിക്കേഷനോ അതിനു മുകളിലുള്ളതോ ആയ ഹോട്ടലുകളിൽ ആറുമാസത്തെ പ്രവൃത്തിപരിചയം.
അസിസ്റ്റന്റ് കുക്ക്
ഒഴിവ്: 1.
യോഗ്യത: എസ്.എസ്.എൽ.സി./ തത്തുല്യം, കേരളസർക്കാരിന്റെ ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിൽ നിന്ന് ഒരുവർഷത്തെ ഫുഡ് പ്രൊഡക്ഷൻ ക്രാഫ്റ്റ് സർട്ടിഫിക്കറ്റ്, രണ്ട് സ്റ്റാർ ക്ലാസിഫിക്കേഷനോ അതിനുമുകളിലുള്ളതോ ആയ ഹോട്ടലുകളിൽ ഒരുവർഷത്തെ പ്രവൃത്തിപരിചയം.
- പ്രതിദിനവേതനം: 675 രൂപ (എല്ലാ തസ്തികയ്ക്കും).
- പ്രായം: 18-36.
അപേക്ഷ തപാലായി അയക്കണം. അപേക്ഷകർ അതാത് തസ്തികയിലേക്ക് യോഗ്യതയുണ്ടെന്ന് സ്വയം ഉറപ്പുവരുത്തേണ്ടതാണ്. അപേക്ഷകർ https://www.keralatourism.org/recruitments എന്ന വെബ്സൈറ്റിൽ നിന്നും ഡൌൺലോഡ് ചെയ്ത് ‘The Regional Joint Director, Office of the Regional Joint Director, First Floor, Boat Jetty Complex, Ernakulam – 682011’ എന്ന മേൽവിലാസത്തിൽ അയക്കേണ്ടതാണ്. വിദ്യാഭ്യാസ യോഗ്യതയും പ്രവൃത്തി പരിചയവും തെളിയിക്കുന്ന രേഖകളുടെ കോപ്പികൾ അപേക്ഷയോടൊപ്പം സമർപ്പിക്കേണ്ടതാണ്. എഴുത്ത് പരീക്ഷ / സ്കിൽ ടെസ്റ്റ് / ഇന്റർവ്യൂ എന്നിവയ്ക്ക് സ്വന്തം ചിലവിൽ ഹാജരാകേണ്ടതാണ്. നിയമനം സംബന്ധിച്ച് ടൂറിസം വകുപ്പ് ഡയറക്ടറുടെ തീരുമാനം അന്തിമമായിരിക്കും. അപേക്ഷ സ്വീകരിക്കുന്ന അവസാന തീയതി 09-09-2024 വൈകുന്നേരം 5 മണി ആയിരിക്കും.
- അവസാന തീയതി: സെപ്റ്റംബർ 9.
- വെബ്സൈറ്റ്: keralatourism.gov.in.
- നോട്ടിഫിക്കേഷനും അപേക്ഷാ ഫോമും: Click Here